2020 онд Сүхбаатар дүүрэг, Өлзий төвийн уулзвараас Долоон буудал хүртэлх зам дагуу 1040ш улиас мод шинээр тарьж ногоон зурвас байгуулж байсан.
Энэ онд уг ажлын үргэлжлэл болгон тус ногоон зурвас бүхий 3720м.кв сул шороон хөрстэй талбайг зүлэгжүүлж замын зүүн талаарх Улиас моддын голоор 306 нүхэнд 1900ш хайлаас тарих ажлыг Ногоон төгөл ХХК гүйцэтгэж байна. Өнгөрсөн долоо хоногт зүлэгжүүлэлтийн ажлыг бүрэн дууссан, одоо зөвхөн усалгаа арчилгаа хяналт л шаардлагатай.
Усалгааг хийхдээ шүршиж, зөөлөн даралтаар услах ёстой боловч хариуцсан ажилчид хайнга хандаж модоо услахдаа өндөр даралттай усаар, услах явцдаа зүлэгт талбай бүрэн соёолоогүй үр элсийг тарааж, үгүй хийж байгааг зогсоожээ.
Хяналт сул байгаагаас нэг ажлыг нөгөөгөөр үгүй хийх явдал их байна. Гүйцэтгэгч байгууллагын удирдлагад үүрэг даалгавар өгч, ажилчиддаа мэргэжил арга зүйн заавар зөвлөмж тогтмол өгч, хяналттай ажиллахыг үүрэг болголоо хэмээн Улаанбаатар хотын Захирагчийн ажлын албаны дарга Т.Гантөмөр мэдээллээ.