Баянзүрх дүүргийн Засаг даргын дэргэдэх Дүүрэг хөгжлийн төвөөс дүүргийн нутаг дэвсгэрт үйл ажиллагаа явуулж буй Сууц өмчлөгчдийн холбоодод сургалт семинарыг амжилттай зохион байгууллаа. Сургалтын үеэр СӨХ-ын үйл ажиллагааны эрх зүйн байдал, түүний зохион байгуулалт мөн дүүргийн Засаг дарга, Дүүрэг хөгжлийн төв, СӨХ-ын гурвалсан гэрээний үр дүн болон цаашид хэрэгжүүлэх ажлын талаар нээлттэй ярилцаж, санал солилцсон юм.
Дашрамд мэдээлэхэд 3 хоног үргэлжилсэн уг сургалтанд 246 СӨХ таван бүсэд хуваагдан хамрагдав. Түүнчлэн Баянзүрх дүүргийн Хөгжлийн төв, Иргэдийн бүлэг, Сууц өмчлөгчдийн холбоотой хамтран өөрсдийн амьдрах таатай орчноо бүрдүүлж, бусдад сайн жишээ болсон тохижилт, ногоон байгууламжийн шилдэг төслүүдийг танилцууллаа хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.