Энэ сарын 5-нд Бахрейн, Арабын Нэгдсэн Эмират улс, Саудын Араб, Египет, Йемен, Ливи, Малдив, Маврикии зэрэг улсууд Катараас дипломат харилцаагаа тасалсан. Тэд Катарыг террорист болон хэт даврагсдын бүлэглэлийг дэмждэг хэмээн буруутгаад байгаа билээ.
Тэгвэл үүний дараа “Standard & Poor’s” агентлаг Катарын чансааг “АА-” үзүүлэлтээс “АА” болгон бууруулжээ. Энэ чансаа нь цаашид буурах магадлалтай гэж тус агентлаг үзэж байгаа аж. Катарын чансааг бууруулах болсон шалтгаан нь тус улсаас Арабын арван улс дипломат харилцаагаа тасалсантай холбоотой юм. “Standard & Poor’s” агентлагийн шинжээчид “Катарын хувьд гадаад эрсдэл ихэсч байна. Энэ нь эдийн засгийн өсөлтөд муу нөлөөтэй” гэжээ. Тэд Катарын чансааг ирэх наймдугаар сарын 25-нд эргэн харах боломжтой гэсэн байна.