Өнгөрсөн онд дэлхийн олон орны үзэгчдийг байлдан дагуулж байсан “Squid Game” цувралын хоёрдугаар бүлэг удахгүй үзэгчдэд хүрэх гэж буйг Нэтфликс компани болон уг бүтээлийн найруулагч Хван Дон Хёк нар албан ёсоор зарлажээ.
“Squid Game цувралын эхний бүлгийг гаргахад 12 жилийг зарцуулсан. Харин Нэтфликсийн хамгийн алдартай цуврал болоход 12 өдөр л шаардагдсан юм. Уг бүтээлийн зохиолч, найруулагч, продюсерын хувьд манай шоуг үздэг, үзэх дуртай хүн бүрд талархал илэрхийлээд нэг зүйлийг чанга зарламаар байна. Бидэнтэй дахин нэгдэж, цоо шинэ үеийг дахин эхлүүлээрэй” гэж Хван Дон Хёк бичсэн байна.
Өмнөд Солонгосын уран бүтээлчдийн цуврал Нэтфликс стриминг платформын бүх цаг үеийн хамгийн өндөр эрэлттэй бүтээл болж байв.
Өнгөрсөн онд Хван Дон Хёк цувралынхаа хоёрдугаар бүлэг дээр ажиллаж эхэлснээ мэдэгдэж байсан бол Нэтфликс компанийн гүйцэтгэх захирал Тэд Сарандос “Squid Game-ийн ертөнц дөнгөж эхэлж байна” хэмээн хэлж байжээ.
Эх сурвалж: The Vergeс