Спрайт супер лигийн аваргын төлөө “Хэнтий ЭБЭГ” болон “Алтайн Барс” багуудын хооронд тун өрсөлдөөнтэй болж эцсийн мөчид 67:69-өөр Ховдын “Алтайн Барс” баг хожлоо.
Тоглолтын эхнээс л тун тэнцүүхэн эхлэж, хөгжөөн дэмжигчдийн цөсийг хөөргөсөн тоглолтыг хоёр талаас үзүүлж байлаа. Тус тоглолтод О.Доржзовд чадварлаг тоглолтоо гаргаж багаа ялалтад хөтөлсөн. Тэрбээр аваргын төлөөх цувралд 14 оноо, 6 самбар, 3 оновчтой дамжуулалт, 2 хаалт гүйцэтгэж финалын шилдэг тоглогчоор нэрлэгдлээ. Ийнхүү Алтайн Барс баг сүүлийн хоёр жил дараалан Спрайт супер лигт финалд өрсөлдөж анх удаагаа аварга болов.
Харин “Хэнтий ЭБЭГ” багийн хувьд анх удаа Спрайт супер лигийн дэд аваргаар тодорлоо. Мөн энэ өдөр улирлын шилдгүүдэд шагнал гардуулсан юм.
Спрайт лигийн улирлын “Шилдэг холбогч”-оор: Гантөмөр /Хан-Уул Хангарьд/, “Шилдэг хамгаалан тоглогч”-оор: С.Ууганбаяр /Тэнүүн Өлзий/, “Шилдэг довтлогч”-оор: Н.Шижирбат /Хэнтий ЭБЭГ/, Б.Баярсүрэн /Алтайн Барс”, “Шилдэг төвийн тоглогч”-оор: Н.Цолмонжаргал /Хэнтий ЭБЭГ/ нар тус тус шалгарсан байна.