Түүх, соёлын дурсгалт үнэт зүйлсийг улсын хилээр хууль бусаар нэвтрүүлэх гэж байсан бүлэг этгээдийг тагнуулын байгууллага илрүүлэн шалгаж байгаа юм байна.
Монгол Улсын иргэн Б, түүний нөхөр болох БНХАУ-ын иргэн Х нар энэ сарын 12-ны өдөр Замын-Үүд дэх хилийн боомтоор олон тооны зурмал бурхан, модон бар, мөнгөн цөгц, хүрд зэргийг БНХАУ руу хууль бусаар гаргах гэж байгаад үйлдэл дээрээ баригджээ.
Шалгалтын явцад Б, Х нар нь энэ сарын 10-ны өдөр зарим эд зүйлсээ илгээмжээр Замын-Үүд рүү явуулсан нь тогтоогдсон байна. Улмаар шуурхай ажиллагааны үр дүнд хам хэрэгтнүүдийг илрүүлж, улсын хилээр гаргахаар завдаж байсан түүх, соёлын үнэт зүйлийг хураан авсан байна.