БСШУСЯ, ЗГХА Соёл Урлагийн Газар, СУИС хамтран “Соёл, урлагийн ажилтны улсын II чуулган”-ы төлөөлөгчдөд зориулж 2017 оны 11 дүгээр сарын 26-28-ны өдрүүдэд “Соёл, урлагийн салбарын тогтвортой хөгжил удирдахуйн шинэлэг хандлага” багц сургалтыг зохион байгуулж байгаа билээ.
Сургалтын нээлт 11-р сарын 26-ны 09:00 цагт СУИС-ийн “Оюутан театр”-т болсон бөгөөд нээлтэнд ЗГХА СУГ-ын дарга Г.Эрдэнэбат, БСШУСЯ-ны СУБГ-ын дарга Н.Болд, СУИС-ийн Соёлын сургуулийн захирал Г.Сүхбат нар үг хэлэв. Өнөөдрийн сургалтанд аймаг, нийслэлийн соёл, урлагийн салбарын 300 гаруй төлөөлөгчид хамрагдлаа.
