Нийслэлийн Сонгинохайрхан дүүргийн хэмжээнд ногоон байгууламжаа хогноос салгах, цэцэрлэгжүүлэх ажлыг эхлүүлээд байна. Дээрх ажилтай холбоотойгоор шинээр мод тарих газрыг мөн бэлтгэж байгаа аж.
Сүүлийн хэдэн жил дараалан нийслэлийн хэмжээнд мод тарих ажил эрчимтэй өрнөсөн ч Сонгинохайрхан дүүргийн хувьд далайцтай ажил хийгдээгүй юм.
Харин энэ удаагийн арчилгаа тордолгоо нэлээд өргөн хүрээг хамарч байна. Тухайлбал, “Драгон” авто вокзалын автобусны буудлаас “Саппоро”-гийн автобусны буудал хүртэл үргэлжлэх авто замын хоёр талын ногоон байгууламжийг арчлах ажил өнөөдрийн байдлаар хийгдэж байна.
Мөн шороогоороо байгаа газрыг боржуураар тохижуулах ажил ч хийгдэж буй юм.