Өмнөд Солонгос улсын Сөүл хотын Кангнам дүүрэг дэхь нэгэн барилга дээр ажиллаж байсан Монгол улсын иргэн А, Б нар өнгөрсөн Бямба гаригт барилгын нурангид дарагдсан тухай мэдээлэл тархсан билээ.
Уг ослын талаар Солонгос улсын хэвлэл мэдээллийн хэрэгслүүдээр “Монгол улсын иргэн А, Б нар нь осол гардаг өдөр Кангнам дүүрэг дэхь таван давхар барилгыг нураах ажлыг хийж байсан. Тухайн барилга нь доошоо гурван давхар, дээшээ таван давхар ба осол гарах үед бага оврын эксковатор нь нэгдүгээр давхрын ханыг нурааж байсан бол Монгол залуус нураалтаас үүсэх тоосыг багасгах зорилгоор хана руу ус цацаж байжээ.
Гэвч нэгдүгээр давхрын шал ачааллаа даалгүй доош нурсаны улмаас Монгол залуусын дээр барилгын нуринга унаж, тэдний биеийн 50% нь нурингад дарагдсан. Тэднийг осол гарсанаас хойш тус бүр 1 цаг 30 минут, 3 цаг 30 минутийн дараа аварч ойролцоох эмнэлэгт хүргэсэн ба тэд эдүгээ холбогдох шинжилгээг хийлгэж, эмчлүүлж байгаа. Осол гарах үед барилгын нураалт 60%-ийн гүйцэтгэлтэй байсан ба ослын шалтгааныг тодруулахаар холбогдох байгууллагууд ажлаа эхэлсэн” гэж бичсэн байгаа юм байна.
Мөн Монгол залуус хэрхэн, ямар шугамаар барилгын салбарын ажилд оролцож байсныг ч мөн шалгах ажээ