Энэ сарын 22-н буюу өнгөрөгч баасан гарагийн 23.00 цагийн үед БНСУ-ын иргэн мансууруулах төрлийн бодис хэрэглэж, хадгалж байна гэсэн дуудлагын дагуу Цагдаагийн ерөнхий газрын Хар тамхитай тэмцэх газрын алба хаагчид хэргийн газарт шалгалтын ажиллагаа явуулсан байна.
Тус хэрэгт нийслэлийн Прокурорын газраас хяналт тавьж, хэрэг бүртгэлийн хэрэг нээсэн байна. Хэргийн газарт шалгалт явуулахад БНСУ-ын иргэн өөрийн оршин суудаг байрандаа “каннабис”-ын төрлийн ургамал хадгалж байсан нь илэрчээ. Хэрэгт холбогдох нотлох баримтыг цагдаагийн байгууллага хураан авч шалгалт явуулж байна.