Нийслэлийн хэмжээнд өчигдөр 4446 дуудлага ирсэнээс гэмт хэргийн 146, зөрчлийн 1210, согтуугийн 572, зам тээврийн ослын 320, мэдээлэл шалгахад, гэмт хэргийн шинжтэй 69 үйлдэл бүртгэгдсэнийг холбогдох нэгжүүд шалгаж байна. Тодруубал, БГД-ийн 18-р хороо Дамдинбазарын гудамж, 65-р байрны хойд замд хувийн Т.Corolla автомашины жолооч Ө нь хувийн Т.Аllion Б, хувийн М.Беnz Ө жолоочтой автомашинуудыг мөргөж, зорчигч БГД-ийн 18-р хороо хороонд оршин суух III ангийн сурагч 9 настай эмэгтэй Б нарын 3 хүн гэмтсэн байна. Жолооч Ө нь согтууруулах ундааны зүйл хэрэглэсэн үедээ тээврийн хэрэгсэл жолоодсон байжээ.