Цагдаагийн байгууллагаас баярын өдрүүдэд болзошгүй гэмт хэргээс урьдчилан сэргийлэх, таслан зогсоох, үйлдэгдсэн гэмт хэргийг шуурхай илрүүлэх зорилгоор “Сонор” арга хэмжээ зохион байгуулж байгаа аж. Уг арга хэмжээний хүрээнд цагдаагийнхан энэ сарын 18-ны өдөр “Теди” худалдааны төв орчимд эргүүлийн үүрэг гүйцэтгэж байхдаа иргэн Т-гийн гар утас болон бэлэн мөнгийг бүлэглэн дээрэмдсэн этгээдүүдийг илрүүлэн баривчилжээ. Гэмт этгээдүүд шөнийн цагаар автомашинтай явж архи, согтууруулах ундаа хэтрүүлэн хэрэглэсэн, биеэ авч явах чадваргүй хүмүүсийг дээрэмддэг болох нь тогтоогджээ. Тэд 13 удаагийн гэмт үйлдлээ хүлээсэн байна.