Шведээс орогнол хүссэн 80 мянга гаруй цагаач иргэдийг улсаасаа албадан гаргана гэдгээ тус улсын Дотоод хэргийн сайд Андерс Ягемэн мэдэгджээ. Тэрээр хэлэхдээ “Эдгээр цагаачдыг Шведээс гаргахын тулд хөлсний онгоц ашиглана. 60 мянга орчим цагаачийг албадан гаргах болсон, гэхдээ энэ тоо 80 мянгад хүрч магадгүй” гэжээ.
Өнгөрсөн 2015 онд Швед улсаас 163 мянган хүн орогнол хүссэн нь Европын нэг улсад ноогдох хамгийн өндөр үзүүлэлт болсон байна. Тус улс өнгөрсөн жил ойролцоогоор 58800 цагаачийн хүсэлт хүлээн авснаас 56 хувьд нь орогнох зөвшөөрөл олгожээ.