Казахстан улсын Атырау хотноо Ардын баатар Исатай Тайманов болон Махамбет Өтемисовын нэрэмжит Олон улсын А зэрэглэлийн тэмцээнд манай боксчид амжилттай оролцжээ.
Тэмцээний 56 кг-ын жинд олон улсын хэмжээний мастер Э.Идэрхүү алт, 52 кг-д А.Нурлан мөнгөн медаль хүртэв. Харин 69 кг-д тулалдсан гавьяат тамирчин У.Мөнх-Эрдэнэ, 49 кг-д спортын мастер Т.Жолдасбек, олон улсын хэмжээний мастер Г.Ариунболд, 81 кг-ын жинд олон улсын хэмжээний мастер Б.Эрдэнэбаяр нар хүрэл медаль хүртсэн байна.
Мөн олон улсын хэмжээний мастер О.Батхүү тусгай шагналын эзэн болжээ. Түүнчлэн шагнал гардуулах ёслолын үеэр Атырау мужийн боксын ахлах дасгалжуулагч Канат Оракбаев манай улсын тамирчин У.Мөнх-Эрдэнэд хүндэтгэл үзүүлэн, тоорцог малгай өмсүүлж, өргөмжлөл гардуулжээ.