Өнөөдөр Зэвсэгт хүчний жанжин штаб, Нийслэлийн засаг даргын тамгын газрын цэргийн штаб хэвлэлийн бага хурал хийлээ. Зэвсэгт хүчний бүтээн байгуулалтын дэмжлэгийн газрын дарга хурандаа Г.Батсуурь, Нийслэлийн цэргийн штабын тоо бүртгэлийн офицер дэд хурандаа Баярмагнай, Нийслэлийн цэргийн штабын дарга хурандаа Болдбаатар нар хүрэлцэн ирсэн юм. Монгол Улсын зэвсэгт хүчний бие бүрэлдэхүүн Тавантолгой-Зүүнбаян чиглэлийн төмөр замын бүтээн байгуулалтын ажилд хэрхэн оролцож байгаа, цаашид яаж оролцох талаар мэдээлэл өгсөн юм. “Шинэ төмөр зам” бүтээн байгуулалтын ажилд ямар боловсон хүчин ямар мэргэжлийн хүмүүсийг сонгож авах талаар дэлгэрэнгүй мэдээлэл өглөө. Засгийн газрын 2019 оны 135 дугаар тогтоолыг үндэслэн Монгол Улсын Ерөнхийлөгч, Зэвсэгт хүчний Ерөнхий командлагчийн зөвшөөрснөөр Засгийн газрын 2019 оны 194 дүгээр тогтоолын дагуу 419 км төмөр замын далан барих ажил эхлээд явж байгаа билээ. Цаашид хийх ажлын хүрээнд иргэд дундаас шаардлагатай байгаа мэргэжилийн хүмүүсийг сонгон авч бүтээн байгуулалтанд оролцуулах тухай тусгагдсан байна. Мөн энэхүү ажил нь хоёр жилийн хугацаанд хийх төлөвлөгөөтэй байгаа ба техник төхөөрөмж бүрэн хангагдсан тохиолдолд 1000 шахам ажлын байр бий болох юм байна. Цалин хөлсний тухайд одоогоор тогтоогдоогүй ч бусад зам, барилгын компаны жишгээр үнэлэгдэх ба орон байр, хоол, хувцас зэрэг хэрэгцээт зүйлсийн зардлийг төрөөс зохицуулна гэдгийг онцоллоо.
Төмөр замын бүтээн байгуулалтын ажилд өөрийн хүсэлтээр оролцох инженер, техникийн мэргэжилтэй иргэдэд дараах ажлын байрыг санал болгож байна.
- Инженерийн мэргэжлээр:
- Техникийн мэргэжлээр:
- Иргэний үнэмлэх
- Мэргэжлийн үнэмлэх
- Төгссөн сургуулийн диплом
- Төрийн албан хаагчийн анкет
- Цээж зураг 3 хувь
- Эрүүл мэндийн хувьд ачаалал даах чадвар
- Багаар ажиллах чадвар
- Муу зуршилгүй байх
- Авто замын инженер
- Гүүр хоолойн инженер
- Тоо хэмжээний инженер
- Геодези, хэмжилтийн инженери
- Материал, чанарын инженер
- Лаборант /хөрсний/
- Том оврын автомашины жолооч
- Бульдозерчин
- Автогрейдерчин
- Индүүчин, жолооч
- Усны машины жолооч
- Шанагат ачигчийн жолооч
- Өөрөө буулгагчийн жолооч
- Трайллерийн жолооч
- Кранчин
- Экскаваторчин
Бүртгэл: 2019 оны 06 дугаар сарын 15-ны өдрийг хүлтэл харьяа аймаг, дүүргийн Засаг даргын Тамгын газрын Цэргийн штабын ажлын байранд бүртгэнэ.