Орон нутгийн хэсгийн төлөөлөгчдийг чадваржуулах, ажиллах орчин нөхцөлийг сайжруулах үүднээс “Шилдэг хэсгийн төлөөлөгч”-ийг шалгаруулах анхдугаар уралдаан зохион байгуулахаар болжээ.
“Шилдэг хэсгийн төлөөлөгч” уралдаан нь орон нутгийн сумдад ажиллаж байгаа хэсгийн төлөөлөгчдийн мэдлэг, ур чадвар, ажлын үр дүнг дээшлүүлэх, гэмт хэрэг зөрчлийг илрүүлэн, шийдвэрлэх арга тактикийг сайжруулах, үйл ажиллагааг нь олон нийтэд сурталчлах зорилготой юм.
Уралдаан зохион байгуулах дүгнэх ажлын хэсгийн ахлагчаар ХЗДХЯ-ны Бодлогын хэрэгжилтийг зохицуулах газрын дарга Э.Энхтуяа, дэд ахлагчаар ЦЕГ-ын Тэргүүн дэд дарга, цагдаагийн хурандаа П.Батбаатар, нарийн бичгийн дарга болон гишүүдэд Хууль зүй, дотоод хэргийн яам, ЦЕГ-ын холбогдох албан тушаалтнууд ажиллаж байна. Тус уралдааныг жил бүр уламжлал болгон зохиох юм.