ШӨХТГ-аас шатахууны худалдаа эрхлэгчдэд шатахууны үнийг дахин буулгах шаардлага тавилаа. Тус шаардлагад 2019 оны нэгдүгээр сараас шатахууны хилийн үнэ буурч байгаа учраас дотоодын жижиглэнгийн үнийг буулгах боломжтой гэсэн шаардлагыг тавьжээ. Харин шаардлагыг биелүүлэхгүй бол Зөрчлийн хуулийн дагуу арга хэмжээ авна гэдгийг сануулсан байна. Өнгөрсөн сард шатахууны үнийг 100 төгрөгөөр бууруулна хэмээн холбогдох албаныхан мэдээлж, 12 дугаар сарын сүүлээр дахин бууруулахаа амлаад байсан. Гэвч зөвхөн АИ92 төрлийн шатахууныг 100 төгрөгөөр бууруулан, бусад шатахууны үнийг хэвээр нь үлдээсэн юм. Харин сарын эцсээр дахин бууруулна гэсэн төлөвлөгөө биелээгүй гэдгийг ШӨХТГ-аас сануулж буй юм.
