Шадар сайд С.Амарсайхан яг одоо Цагдаагийн ерөнхий газарт ажиллаж байна. Монгол Улсын хэмжээнд өнөөдрөөс хатуу хөл хорионы дэглэм үйлчилж эхэлсэн тул цагдаагийн байгууллага хэрхэн хяналт тавьж ажиллаж байна вэ гэдэгтэй танилцаж буй юм. Нийслэлийн хэмжээнд 100 гаруй цагдаагийн албан хаагч хатуу хөл хорионд хяналт тавин ажиллаж эхэлжээ.
Өнөөдөр өглөөнөөс хатуу хөл хорионы дэглэм үйлчилж эхэлснээс хойш 3000 орчим тээврийн хэрэгсэл хөдөлгөөнд оролцсон байна.
Цагдаагийн байгууллага нь хэв журам сахиулахаас гадна тусгай үүргийн нислэгээр ирж байгаа зорчигчид, тусгаарлалтад байгаа иргэд зэрэгт хяналт тавиж ажиллаж байна.