МоАХ-ны Удирдах зөвлөл өнгөрсөн бямба гаригт хуралдсан талаар эх сурвалж мэдээллээ.
Тэд тус хурлаар засгийн газрын өөрчлөлтийн асуудлыг ярилцсан ба хэрэв Шинэчлэлийн Засгийн газарт өөрчлөлт оруулбал, МоАХ хэнийг засагт багтаах талаар санал солилцсон бололтой.
Хурал ерөнхийдөө шүүмжлэлтэй болж, МоАХ-ны улс төрийн идэвх суларсан нь удирдлагуудтай холбоотой гэсэн яриа гарчээ. Үүнтэй холбоотойгоор МоАХ-ны дэд дарга бөгөөд ҮХАА-н сайд Ш.Түвдэндорж, гүйцэтгэх захирал Ж.Равдандорж нарыг үүрэгт ажлаас нь чөлөөлсөн байна.
Түүнчлэн энэ хурлаас ардчилсан хувьсгалын анхны зүтгэлтнүүдэд нэг өрөө байр эсвэл түүнтэй тэнцэх мөнгө шагнал өгөх төслийг УИХ-д өргөн барихаар болжээ. Үүнийг сонссон АН болон МАН-ын зарим гишүүн МоАХ-ныханд татвар төлөгчийн мөнгөөр байр өгөх нь буруу гэсэн байр суурьтай байгаа гэнэ.