Ш.Буянжаргал охин хорвоод мэндлэхдээ төрөлхийн дөрвөн мөчний ясжилтын дутуу хөгжилтэй буюу баруун гартаа хоёр хуруутай, зүүн гартаа долоон хуруутай, хоёр хөлдөө дөрвөнхөн хуруутай төржээ. Охин БНСУ-д 200 сая төгрөгөөр дөрвөн удаа хагалгаанд орох шаардлагатай болсон байна. Иймд гэр бүлийнхний зүгээс хандивын аяныг эхлүүлжээ.
Одоогоор охины эмчилгээний хандивын дансанд 40 орчим сая төгрөг цуглаад байгаа аж. Тэгвэл Эрдэнэ-зуу хийдийн Хамба Лам Х.Баасансүрэн охины эмчилгээний зардалд зориулан “Бусдын төлөө гэрэлтэе” ухаарахуй лекцээ зохион байгуулахаар болжээ. Энэ талаар өнөөдөр охины ээж Ч.Уранцэцэг, “Бэст буйдан” компанийн ажилчид болон Монголын сайтын холбооны дэд ерөнхийлөгч Б.Цоожчулуунцэцэг нар мэдээлэл хийлээ.
Хандивын лекц нь МҮЭСТО-д энэ сарын 16-ны өдөр болох бөгөөд тоглолтын бүх орлогыг Ш.Буянжаргал охины эмчилгээний зардалд хандивлах юм байна. Түүнчлэн тус тоглолтод урилгаар МУСТА дуучин О.Баянмөнх, Л.Банзрагч, Л.Нарантуяа, Э.Чулуунчимэг, Б.Энхбат болон Н.Мөнгөншагай нар оролцох аж.
Ш.Буянжаргал охин наймдугаар сарын 20-ны өдөр эхний ээлжийн хагалгаандаа орох бөгөөд тус хагалгааны зардал 80 сая төгрөг шаардлагатай юм байна. Энэхүү мөнгөөр охин хоёр хөлийнхөө тавхайг нийлүүлэн оёулах аж.
Ш.Буянжаргал охины эмчилгээний зардалд хандив өргөхийг хүсвэл 1000 төгрөгийг доорх дансанд хийж бал худалдан авах боломжтой юм байна.
ХАНДИВЫН ДАНС: ХААН БАНК 5166258376 Ш. БУЯНЖАРГАЛ
ХОЛБОГДОХ ДУГААР: 94841520, 89391212, 8090822