“Өдрийн
сонин”-ы мягмар гаригийн дугаар уншигчдадаа хүрч байна. Уржигдар орсон цаснаар
нийслэлд халтиргаа, гулгаа ихэсчээ. Халтирч унаж гэмтсэн хүний тоо ч өссөн
байна. Энэ талаар манай сонин сурвалжиллаа. Улс төр нүүрт УИХ-ын гишүүн
Г.Гарамгайбаатартай ярилцсан ярилцлагыг хүргэж байна. Тэрбээр МАН-ынхныг
загасны ой санамжтай гэж дүгнэжээ. УИХ-ын гишүүн Г.Гарамгайбаатар Үндсэн
хуулийн өөрчлөлтийн талаар байр сууриа илэрхийлсэн юм. “Өдрийн сонин”-ы
нийтлэлийн бодлогыг тодорхойлж байдаг гуравдугаар нүүрт “Сэтгүүлчид мэргэжлийн
онцлог, салбарын нэр хүндээ өмгөөлөх ёстой” нийтлэл хэвлэгдлээ. “Сэтгүүлчдээс муу
хүн байхгүй болов…Телевиз, радиогоо унтрааж, сониноо хумивал хөгжил хамт
хумигдана. Хүний эрх, эрх чөлөө хаа нэгтээ гээгдэнэ. Тиймээс сэтгүүлчдийнхээ
тухай ойлголтыг хамжааргатайхан сэнхэрвэл зохино биз дээ…”. Дэлгэрэнгүйг
гуравдугаар нүүрээс уншина уу. Монгол Улсын Ерөнхийлөгч Ц.Элбэгдорж БНХАУ-д
төрийн айлчлал хийгээд ирсэн. Энэ айлчлалын талаар судлаач дүгнэж ярилцлага
өглөө. Тэрбээр Ерөнхийлөгчийн төрийн айлчлалыг “Монгол, Хятадын харилцан
итгэлцлийг улам зузаатгасан айлчлал боллоо” гэж ярьсан. Мөн УИХ дахь АН, МАН-ын
бүлгийн хуралдааны мэдээллийг улс төрийн нүүрнээс унших боломжтой. С.Зориг
агсны эхнэр Д.Булганыг баривчилсан нь сүүлийн үеийн дуулиан болж байна. Түүнийг
С.Зориг агсныг хөнөөсөн хэрэгт холбогдуулан баривчилжээ. Хуулийн эх сурвалж “Булган
анхнаасаа цагдаагийн байгууллагад худал мэдээлэл өгч байсан гэнэ. Алуурчдыг
худлаа дүрсэлж, ам зургийг нь тэс өөрөөр гаргаж, хэргийг эхнээс нь будлиантуулж
байсан байж болзошгүй. Эр, эм хоёр алуурчин биш. Хоёр эрэгтэй байсан бололтой”
гэжээ. Энэ талаарх дэлгэрэнгүй мэдээллийг өнөөдрийн дугаараас уншина уу. “Ирвэс
хамгаалах сан”-д биологчоор ажиллаж байсан залуу энэ сарын 5-нд гэрээсээ гараад
сураггүй болсон. Түүний цогцсыг энэ сарын 11-нд Хөвсгөл нуураас олсон талаар
манай сонин мэдээлсэн. Энэ хэрэгт УИХ дахь АН-ын бүлэг анхаарлаа хандуулахаа
мэдэгдсэн. Бид талийгаачийн аавтай ярилцлаа. Тэрбээр хүүгээ бусдын дарамтаас
үүдэж амиа алдсан гэж үзэж байгаа аж. Аавынх нь ярьснаар талийгаачийг өмнө нь
хоёр удаа хутгалж, нэг удаа барьцаалж байжээ. Амиа алдахын өмнө нь ч гэсэн
дарамталсан гэх баримт олдсон аж. Аав нь хүүгээ дөрөв дэхь удаагаа дарамтад орж
амиа алдсан гэж үзэж байгаагаа ярилаа. Дэлхийн мэдээ нүүрт Каталони улсыг
байгуулах талаар мэдээлэл багтлаа. Мөн “Өдрийн сонин”-ы Ваншингтон дахь тусгай
сурвалжлагч М.Саруул-Эрдэнэ сурвалжлага илгээсэн юм. Түүний “Оакланд хотод
сүндэрлэсэн монгол гэр буюу Монголоо хадгалах гэсэн их эрмэлзлэл” нийтлэлийг
арвангуравдугаар нүүрээс уншина уу. Утга зохиол нүүрт Соёлын гавьяат зүтгэлтэн,
зохиолч, яруу найрагч Г.Аюурзанын “Гүнз” өгүүллэгийг хүргэж байна. Эдгээр болон
бусад мэдээ мэдээлэл өнөөдрийн дугаарт гарлаа. “Өдрийн сонин”-ы эрхэм уншигч
та, манай өнөөдрийн дугаарыг “Монгол шуудан” компанийн нийслэл Улаанбаатар дахь
35 салбар, “Түгээмэл” шуудан, “Улаанбаатар”, “Скай” шуудангийн салбаруудаас
очиж авч болох ба сонин борлуулах бүхий л цэгүүд, Хэвлэлийн биржээс худалдан
авах боломжтой юм. Мөн “Мөнгөн завъяа” дахь сонин борлуулах цэг, Сансрын
үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын
үйлчилгээний төвд байрлах сонин борлуулах цэг, Саппорогийн “Миний дэлгүүр” дэх
сонин борлуулах гол гол цэгүүдээс худалдах авч болохыг дуулгая. “Өдрийн
сонин”-ы өөрийн байранд ирж худалдан авч бас болно. “Өдрийн сонин”-той
холбоотой бүхий л мэдээллийг Мэдээлэх эрхийн утас 19001987-гоос лавлаж болох ба
захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв
цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй
мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ