Сэлэнгэ аймгийн Хан Хэнтийн улсын тусгай хамгаалалттай газрын хамгаалалтын захиргаа хаврын хуурайшилтын үед ойн түймрээс урьдчилан сэргийлэх ажлыг эрчимжүүлэн ажиллаж байна.
Энэ хүрээнд аймгийн Байгаль орчны газар болон Онцгой байдлын алба, Ерөө сумын сум дундын ойн анги, цагдаагийн хэсэг, байгаль хамгаалагчид хамтран Хаданцаа Шарлангийн чиглэлд эргүүл шалгалтын ажлыг зохион байгуулжээ. Улмаар хууль бусаар хуш модны самар бэлтгэж байсан 212 иргэдийг албадан буулгаж, зарим иргэдийг Бугант тосгоны комисст бүртгэн орон нутагт нь буцаасан байна.