Хятадын Сычуань мужийн сансрын хөлөг хөөргөх
талбайгаас өчигдөр саран дээр судалгаа явуулах
хиймэл дагуулыг илгээжээ. “Цюэзяо” гэх төхөөрөмж нь
Сарны тойрог замд байрлаж, сүүдэр бүхий “харанхуй”
талын судалгааг хийхэд зориулагдсан аж. Хятадын
Үндэсний сансар судлалын удирдах газар энэ талаар
мэдээлснийг Синьхуа агентлаг уламжилжээ. Хятад улс
сарны алслагдсан хэсэгт судалгаа явуулах анхны улс
болохоор зорьж байгаа юм. Энэхүү төслийн хүрээнд
хиймэл дагуулаа илгээсэн аж. Тус аварга дуран нь
Сарны “харанхуй” хэсгээс 64 мянган километрийн зайд
байрлах гэнэ. Харин манай дэлхийгээс энэ нь 455
мянган километрийн зайд юм байна. Хүн төрөлхтөн
ийм алслагдсан зайд хиймэл дагуулаа илгээж байсан
түүх одоогоор үгүй. Хятад улс урьд нь Юйту гэх саран
дээр явагч төхөөрөмжөө 2013 онд илгээж байв. Энэ нь
Оросын “Луна-24” хиймэл дагуул саран дээр зөөлөн
газардсанаас хойших анхны төхөөрөмж болж байжээ.
Харин энэ удаагийнх сарны сүүдэр хэсгийг судлах гэж
буйгаараа онцлог юм байна.
Д.ЦЭРЭНДОЛГОР