2018 оны долдугаар сард болох Астрономийн онцлох үзэгдлүүдийг танилцуулж байна.
Долдугаар сарын 15
Сар Сугартай уулзана. Тухайн бүс нутагт Нар жаргах үед тэнгэрийн баруун өмнө хэсэгт хавирган Сарны хажууд Сугар гариг харагдах юм.
Долдугаар сарын 27
Сарны бүтэн хиртэл. Энэ жилд болж буй хоёр дахь Сарны бүтэн хиртэл юм. Сарны бүтэн хиртлийг Ойрх дорнод, Төв ази, Өмнөд ази, Африкийн өмнөд ба зүүн хэсэг, Оросын европын өмнөд хэсэг, Өмнөд Уралын нутгуудад ажиглах боломжтой.
Энэ хиртэлт нь 21 дүгээр зууны хамгийн удаан үргэлжлэх сар хиртэлт байх бөгөөд 103 минут үргэлжлэх юм байна. 100 минутаас илүү хугацаагаар сар хиртэх үзэгдэл нэгэн зуунд дунджаар таван удаа тохиодог. 1901 оноос хойших 200 гаруй жилийн хугацаанд хамгийн удаан үргэлжилсэн сар хиртэл 2000 оны долдугаар сарын 16-нд бүртгэгджээ. Уг хиртэлт нь 106,5 минут үргэлжилсэн байна.
Долдугаар сарын 27
Ангараг гаригыг харах хамгийн тохиромжтой шөнө. Хамгийн сүүлд 2003 оны долдугаар сард Ангараг гариг хамгийн том, хамгийн тодоор Дэлхий дээрээс харагдсан байна. Харин энэ өдөр дээрхтэй мөн адил хамгийн тод болон томоор харагдах нь.