Монгол хүн сансарт ниссэний 35 жилийн ой энэ сарын 22-ны өдөр тохионо. Энэ өдрийг угтаж, “Сансрын нэг өдөр” шинжлэх ухаан танин мэдэхүйн нээлттэй өдөрлөг “Буянт Ухаа” спорт цогцолборт болж байна.
Өдөрлөгийн үеэр Монгол хүн сансарт ниссэний 35 жилийн ойг тохиолдуулан Дүдү боловсрол сангаас Цаасан онгоцны улсын аврага шалгаруулах анхдугаар тэмцээнийг явуулж байна. “Цаасан онгоц” хөтөлбөрөөр дамжуулж хүүхэд багачууд, оюутан залуучуудад STEM боловсрол /шинжлэх ухаан, технологи, инженерчлэл, математик/ олгох зорилготой аж.