Самбо бөхийн Дэлхийн аварга
шалгаруулах 41 дэх удаагийн тэмцээн Болгарын Софид эхэлж байна.
Өнөөдөр Монгол Улсын тамирчин Ч.Марал-Эрдэнэ (52 кг),
Н.Тогтохбаяр (байлдааны самбо 57 кг) нар барилдах бөгөөд энэ удаагийн ДАШТ-д
Б.Солонго (56 кг), Г.Сарангоо (-80 кг) нарын хоёр эмэгтэй, Б.Амартүвшин (57
кг), Г.Түвшинжаргал (-100 кг), Б.Ариунболд (байлдааны самбо 68 кг) нарын
эрэгтэй бөхчүүд хүч үзэх юм.
Софид самбо бөхийн ДАШТ гурав дахь удаагаа явагдаж байгаа нь
энэ. Өмнө нь 1995 онд гавьяат тамирчин О.Одгэрэл +100 кг-д, 2006 онд ОУХМ
С.Орхонбаатар байлдааны самбогийн 57 кг-д тус тус алтан медаль хүртэж байсан
түүхтэй.