Баруун аймгуудын нутгаар: 24-нд нутгийн баруун хэсгээр, 25,27-нд нутгийн хойд хэсгээр бага зэргийн цас орж явган шуурна. Салхи 24-25,27-нд зарим газраар 14-16м/с, Алтайн уулсаар түр зуур 18-20м/с хүрч ширүүснэ. 25-нд хүйтний эрч бага зэрэг чангарна. Бусад хугацаанд хүйтэн суларч Увс нуур, Идэр, Тэс, Хүрэн бэлчирийн хөндийгөөр шөнөдөө 31-36 градус, өдөртөө 19-24 градус, Монгол Алтайн өврөөр шөнөдөө 20-25 градус өдөртөө 9-14 градус, Алтайн өвөр говиор шөнөдөө 11-16 градус өдөртөө 0-5 градус, бусад нутгаар шөнөдөө 16-21 градус өдөртөө 4-9 градус хүйтэн байна.
Төвийн аймгуудын нутгаар: 25-нд зарим газраар, 27-нд шөнөдөө нутгийн хойд хэсгээр цас орж, явган шуурга шуурна. 25-нд салхи зарим газраар 14-16м/с хүрч ширүүснэ. 26, 28-нд хүйтний эрч чангарна. Бусад хугацаанд хүйтний эрч суларч Дархадын хотгор, Ерөө голын хөндийгөөр шөнөдөө 31-36 градус өдөртөө 18-23 градус, Орхон-Сэлэнгэ, Хараа, Туул, Тэрэлж голын хөндийгөөр шөнөдөө 27-32 градус өдөртөө 13-18 градус хүйтэн, бусад нутгаар шөнөдөө 17-22 градус өдөртөө 4-9 градус хүйтэн байна.
Зүүн аймгуудын нутгаар: 25-нд нутгийн баруун хойд хэсгээр, 26,28-нд зарим газраар цас орж, салхи зарим үед 16-18м/с хүрч цасан шуурга шуурна. 24-25,27-нд хүйтэн суларч голуудын хөндийгөөр шөнөдөө 27-32 градус өдөртөө 14-19 градус, бусад нутгаар шөнөдөө 20-25 градус өдөртөө 9-14 градус хүйтэн байна. Бусад хугацаанд хүйтний эрч чангарч Хэрлэн, Онон, Улз, Халх голын хөндийгөөр шөнөдөө 34-39 градус өдөртөө 22-27 градус, бусад нутгаар шөнөдөө 27-32 градус өдөртөө 15-20 градус хүйтэн байна.
Говийн аймгуудын нутгаар: 25-нд шөнөдөө нутгийн хойд хэсгээр цас бударч явган шуурга шуурна. 25,28-нд салхи зарим газраар түр зуур 16-18м/с хүрч ширүүснэ. 26,28-нд хүйтний эрч чангарна. Бусад хугацаанд Өмнөговийн нутгаар шөнөдөө 9-14 градус хүйтэн өдөртөө 4 градус хүйтнээс 1 градус дулаан, бусад нутгаар шөнөдөө 16-21 градус өдөртөө 4-9 градус хүйтэн байна гэж Цаг уур, орчны шинжилгээний газраас мэдээллээ.