Гадаад харилцааны сайд Д.Цогтбаатар 2020 оны 2 дугаар сарын 5-ны өдөр АНУ-аас Монгол Улсад суугаа Элчин сайд М.Клеческийг хүлээн авч уулзав.
Уулзалтын үеэр талууд Монгол, Америкийн улс төр, эдийн засгийн хамтын ажиллагааг өргөжүүлэх, саяхан Вашингтон хотноо болсон Монгол, АНУ, Японы гурван талт уулзалтын дүн, 2020 онд хэрэгжүүлэхээр төлөвлөсөн айлчлал, арга хэмжээ болон хоёр талын худалдааг нэмэгдүүлэх боломжийн талаар санал солилцлоо.
Мөн шинэ коронавирусийн тархалттай холбогдуулан монголын талаас авч хэрэгжүүлж буй арга хэмжээний талаар мэдээлэл солилцож, урьдчилан сэргийлэх чиглэлээр хамтран ажиллах боломжийн талаар ярилцав.