Монголын үндэсний сагсан бөмбөгийн холбооноос зохион явуулж буй энэ жилийн сагсан бөмбөгийн Үндэсний супер лигийн аваргын цувралын тав дах тоглолт өнөөдөр спортын төв ордонд 19:00 цагт эхэлнэ.
Энэ жилийн өрсөлдөөн өнөө цагийн хамгийн арвин түүхтэй, сүүлийн дөрвөн жилийн хугацаанд аль аль нь гурван удаа аваргын төлөөх дайралт хийсэн Альянс Тех Харцага болон SBL Хасын Хүлэгүүд багийн хооронд болж буй юм. Эхний дөрвөн тоглолтын байдлаар Альянс Тех Харцага гурав, SBL Хасын Хүлэгүүд нэг ялалт байгуулаад байна.
Тэмцээний ялагчаар хамгийн түрүүнд дөрвөн ялалт байгуулсан баг шалгарна. Тиймээс өнөөдрийн тоглолт шийдвэрлэх тулаан болоод байна. Хэрвээ Альянс Тех Харцага баг ялалт байгуулвал энэ жилийн супер лигийн ялагч болох юм. Харин SBL Хасын Хүлэгүүд хожвол 2:3-ын харьцаатай болж, тоглолт цааш үргэлжлэх боломжтой болох юм.