УИХ-ын ээлжит бус
чуулганы нэгдсэн хуралдаанаар энэ оны төсвийн тодотголын хуулийн төслийг
хэлэлцэж байлаа. Хэлэлцэж байгаа асуудалтай холбогдуулан гишүүд асуулт тавьж,
үг хэлэв. Гишүүдийн олонх нь татвар нэмэгдүүлэх, орон сууцны талбайн хэмжээнээс
хамааран татвар тогтоох, хүүхдийн мөнгийг тодорхой хэсэгт оногдуулах зэргийг
шүүмжилж байлаа.
Харин гишүүн
С.Жавхлан “Эдийн засаг гэдэг эд юмаа засаад аваад явахыг хэлдэг. Тухайн үед
6000 зүйлийг өөрсдөө хийдэг байж. Уг нь чинээлэг хүн гэдэг чин элэгтэй хүнийг
хэлдэг. Чин элэгтэй хүн хэзээ ч түмэн олноосоо юмаа харамладаггүй, аминчхан
үзэл байдаггүй хүмүүсийг хэлдэг. Тиймээс том том эмнэлэг, цэцэрлэг шиг
байшинтай хүмүүс чин элэг гаргаж хүүхдэд цэцэрлэг гаргаж өгөх хэрэгтэй. Өөрийн
толгой дээрх өвсийг харахгүй байж хүний толгой дээрх өвсийг хараад байх юм.
Авдраа уудал гэдэг түмэн олондоо хандахыг хэлнэ. Том том байшингуудаа болиод
гэрээ бариад амьдарцгаа гэж уриалъя.
Би үлгэрлэхгүй бол үглээд
хэрэггүй гэдэг үздэг. Та бүхэн манайд очоорой. Бүгдээрээ үлгэрлэж байж энэ
бүхнээс гарна. Бөмбөгөр цагаан гэрээбариад, хоёр үнээ, 20 ямаа, хонио хариулаад
амьдраад байх цаг ирсэн. Чойжилсүрэн ах та чин элэгтэй хүн. Чин элэгтэй байж
чадахаа өөрөө харуулаарай. Мөн бүгд тал нутаг руугаа гаръя. Үүнийг тайлбарлахад
маш их цаг хугацаа авна. Гэхдээ би бага багаар тайлбарлана даа” хэмээлээ.