Төрийн байгуулалтын байнгын хорооны хурлаар ЗГХЭГ-ын дарга С.Баярцогтыг огцруулах эсэх асуудлыг хойшлууллаа. Учир нь Үндсэн хуулийн цэцийн дүгнэлтийг хүлээхээр болсон байна. Үндсэн хуулийн цэцийн зүгээс УИХ-ын гишүүн нь Засгийн газрын гишүүнийг огцруулах асуудлыг өргөн мэдүүлэх боломжгүй хэмээн үзээд байгаа бололтой.
С.Баярцогтыг огцруулах төслийг УИХ дахь Шударга ёс эвслийн бүлгийн гишүүн О.Баасанхүү өргөн барьсан. Тэрбээр Монгол Улсын сайд, Засгийн газрын Хэрэг эрхлэх газрын дарга С.Баярцогтыг хариуцсан салбараа удирдах чадваргүй, Монгол Улсын хууль тогтоомжийг зөрчсөн, Засгийн газрын гишүүний ёс зүйн шаардлагыг хангахгүй гэсэн үндэслэлээр огцруулахыг шаардаж байгаагаа мэдэгдсэн юм.