Швейцарь улсын хуулийн дээд байгууллага тус улсын банкин дахь нийтдээ $1.85 саяын үлдэгдэлтэй данснуудыг царцаасан тухай мэдээлсэн. Данснуудын нэгийг Рио Тинтогоос сангийн сайд асан С.Баярцогтод $10 саяыг шилжүүлэхэд ашигласан гэж сэжиглэж байгаагаа Швейцарийн Ерөнхий Прокурорын мэдэгдэлд өгүүлсэн билээ.
Дээрх мэдэгдлийн дараа Ардчилсан намын Улс төрийн зөвлөл болон Үндэсний дүрмийн хороо өчигдөр хуралдаж С.Баярцогтыг намаас хөөхөөр шийдвэрлэсэн билээ. Энэ талаар С.Баярцогт гишүүн өнөөдөр 14:00 цагаас мэдээлэл хийхээр болжээ.