Ром хотын захирагч Иньяцио Марино (Ignazio Marino) пүрэв гаригийн орой огцров. Тэр төсвийн мөнгө ашигласан хэрэгт холбогдсон юм. Хотын захиргааны зээлийн картыг ашиглан гэр бүлийн хамт ресторан зэрэгт орж бараг 20 мянган евро үрсэн нь тогтоогджээ. Тэрээр энэ мөнгийг эргүүлэн тушаана гэж амлаад байгаа юм.
Эхлээд сөрөг хүчин мэрийг огцрохыг шаардсан ч Ардчилсан намынхан ч тун удалгүй уг шаардлагад нэгджээ.
Мягмар гаригт прокурорын газраас хотын хөрөнгийг завшсан хэргээр мэрийг шалгаж эхэлсэн байна. Иньяцио Марино 2013 оноос хойш мэрээр ажилласан ба өмнө нь тэр сенатор байсан юм.