Талбайн теннисний энэ оны анхны “Их дуулга” болох Австралийн нээлттэй тэмцээн өчигдөр өндөрлөлөө.
Тус тэмцээний эрэгтэйчүүдийн ганцаарчилсан төрлийн аваргын төлөө тоглолтод Швейцарийн Рожер Федерер, Хорватын Мерин Чилич тулсан юм. Гурван цагийн турш таван сет үргэлжилсэн тоглолтод Рожер Федерер 6:2, 6:7, 6:3, 3:6, 6:1-ээр ялжээ.
Федерер шигшээ тоглолт хүртэл зургаан тамирчинг тус бүр нь гурван сет зарцуулж хожоод байсан юм. Харин мөнгөн медаль хүртсэн Мерин Чилич хагас шигшээд алдарт Рафаэль Надалийг сөхрүүлсэн юм.
Федерер “Австралийн нээлттэй тэмцээнд” 2004 онд анх түрүүлж байсан бол түүнээс хойш 2006, 2007, 2010, 2017, 2018 онд ийн аваргын цомыг өргөлөө. Түүний хувьд “Их дуулга” тэмцээний 20 дахь түрүүгээ хүртэж буй нь энэ юм.
Өнөө жил 37 той Федерер өнгөрсөн онд өөрийгөө харих болоогүй гэдгээ харуулж, Австралийн нээлттэй тэмцээн болон Уимблдонд түрүүлсэн. Энэ оны эхэнд ч гайхалтай байж, Австралид хоёр дахь удаагаа түрүүллээ.
О.Дашням