Түүхий резин, резинэн бүтээгдэхүүн үйлдвэрлэх Мэйнспринг ХХК-ийн түүхий резиний үйлдвэрийн нээлтийн арга хэмжээ Эрдэнэт хотод болжээ. Энэ үйлдвэр Монгол улсын хамгийн анхны түүхий резиний үйлдвэр болж байгаа юм байна. Манай улс одоогоор Хятад, Орос зэрэг орнуудаас түүхий резинийг голлон импортлодог. Үйлдвэр нээгдсэнээр эхний ээлжинд Эрдэнэт хотын түүхий резиний хэрэглээг бүрэн хангаж цаашид өргөжин тэлэх бүрэн боломжтой аж. Түүхий резиний үйлдвэр нь Тайвань улсаас оруулж ирсэн бүрэн автомат тоног төхөөрөмжөөр тоноглогдсон байна. Түүхий эд болох каучукийг Вьетнамаас оруулж ирдэг юм байна. Цэвэр каучукаар хийж байгаа учраас тус үйлдвэрийн түүхий резин нь импортоор оруулж ирдэг резин болон резинэн бүтээгдэхүүнээс илүү чанартай аж.