Үндсэн хуулийн цэцийн хуралдаан маргааш болно. Уг хуралдаанаар УИХ-д хамгийн олон удаа сонгогдсон, хуульч хоёр гишүүн ном хаялцахаар болжээ. УИХ-ын гишүүн Р.Гончигдорж хууль Үндсэн хууль зөрчсөн гэх мэдээллийг гаргасан. Харин УИХ-аа төлөөлж УИХ-ын гишүүн Д.Лүндээжанцан хууль Үндсэн хууль зөрчөөгүй болохыг батлах юм.Тэд хууль яагаад Үндсэн хууль зөрчсөн, зөрчөөгүй болохыг баримтаар тайлбарлах учиртай.
Үндсэн хуулийн цэцэд УИХ-ын гишүүн хандаж байгаа нь анхны тохиолдол аж.Тэднийг ном хаялцаж, хууль Үндсэн хууль зөрчсөн үү, зөрчөөгүй юу гэдгийг тайлбарласны дараагаар Үндсэн хуулийн цэц шийдвэр гаргах юм.