БНСУ-д болж буй олимпийн наадам өнөөдөр дараах тэмцээн уралдаануудаар өрнөнө.
Цанын сламлом төрөл эмэгтчүүдийн шилдгүүдээ энэ өдөр тодруулна. Өглөө 09:15 цагаас эхэлж медалийн эзэд 12:45 цагаас тодрох юм.
Мөн кёрлингийн спортын эмэгтэй, эрэгтэй хэсгийн тоглолтууд явагдана. Тэмцээн 08:05 цагаас эхэлж 13:05 цаг хүртэл үргэлжлээд завсарлах юм. Улмаар 19:05 цагт энэ өдрийн хамгийн сүүлийн тоглолтууд үргэлжилнэ.
Өглөө 09:00 цагаас уран гулгалтын хосын төрөл үргэлжлэн явагдана.
Мөн 11:10, 15:40, 20:10, цагуудаас хоккейн хэсгийн тоглолтууд эрэгтэй эмэгтэй төрлүүдэд явагдах хуваарьтай байна.
Харин чарганы лаж төрөлд 10:00 цагаас багийн бэлтгэл, сорилууд эхэлж оройн 19:20 цагаас хосын төрөлд медалийн эзэд тодрох юм.
Мөн цанын холимог төрлийн тэмцээнүүд 12:45 цагаас эхэлж 14:00 цаг хүртэл харайлтын төрлөөр өрсөлдөцгөөх бол оройн 16:45 цагаас кросс кантри төрөлд медалийн эздээ тодруулна.
Мөн скэлэтон чарганы бэлтгэл сургуулилтууд 11:50 болон 14:05 цагуудад явагдана.
Снөүбоордын эрэгтэйчүүдийн хаалфпайп төрлийн тэмцээн өглөө 09:30 цагаас эхлээд 10:30 цагаас медалийн өрсөлдөөнүүд явагдана.
Үүнээс гадна 18:00 цагаас тэшүүрийн 1000 метрийн эмэгтэйчүүдийн уралдааны шигшээ уралдаан явагдаж медалийн эзэд тодрох бол залгуулаад 19:05 цагаас биатлоны эмэгтэйчүүдийн 15 км-ийн ганцаарчилсан уралдаан явагдаж шилдгүүдээ тодруулах хуваарьтай байна.
Харин оройн 19:00, 19:50, 20:40 цагуудад цанын лаарж хилл харайлтын тамирчид Алпенсиа цогцолборт бэлтгэлээ базаах аж.