Английн Премьер лигийн 24-р тойргийн нөхөн тоглолт Ливерпүүл болон Вест Хэм багуудын хооронд өнгөрсөн шөнө болж өнгөрлөө.
Тоглолтыг эхнээсээ л улаанууд гартаа авч, тоглолтын турш 71 хувьтай бөмбөг эзэмшиж, хаалга руу 13 удаа цохижээ. Тоглолтын эхний гоолыг Египет довтлогч Мохамед Салах 11 метрийн торгуулийн цохилтоор оруулсан бол тоглолтын эцсийн гоолыг Англи хагас хамгаалагч Алекс Окслэд Чемберлен оруулж, Ливерпуль өрсөлдөгчөө 2:0-ийн харьцаатайгаар буулгаж авлаа. Ингэснээр тэд 24 тойргийн дараах байдлаар 70 оноотойгоор Премьер лигийн хүснэгтийг итгэл төгс тэргүүлж байна.
Мөн тэд 2019-2020 оны улиралд Английн премьер лигт учраа таарсан 19 багаа бүгдийг нь буулгаж авсан гэх сүрдэм амжилтын эзэд боллоо. Энэ нь тус багийн 127 жилийн түүхэн дэх анхны тохиолдол юм. Улаануудын дараагийн учраа лигийн том багуудын үргэлж шүдний өвчин болж байдаг Саутхемптон багын хооронд ирэх сарын нэгний өдөр болох юм.