Польшийн аялагч, туйл судлаач Марек Каменский байгаль орчинд ээлтэй аялал хийж байгаа тухайгаа сэтгүүлчдэд ярилаа. Тэрбээр хойд, өмнөд туйлд нэг бус удаа очиж судалгаа хийсэн гэнэ. Ингэхдээ явганаар аялажээ. Ирээдүй судалдаг Польшийн хүрээлэнтэй хамтарч ажилладаг юм байна.
Тэрбээр “Гэгээн Иаковын замаар” 4000 км аяласан удаатай. Энэ удаа байгаль дэлхийд ээлтэйгээр “Ул мөр үлдээхгүйгээр” аялаж байна.
Марек КаменскийNissan LEAF маркийн цахилгаан машин хөлөглөжээ. Тэрбээр Польшоос гараад, ОХУ-ын Калининградын хязгаараас Латв, Литв, Монгол, Хятад, Өмнөд Солонгосын нутгаар дайран Япон хүрэхээр зорьжээ.
Философич, аялагч тэрбээр олон ном бичсэнбайна. Цахилгаан машинаар ийм хол замыг туулсан тохиолдол өмнө нь байгаагүй гэлээ. Цахилгаан машинаар аялахад асуудал байхгүй,цахилгаан хямд, зочид буудалдаа тогонд залгаад цэнэглэж болдог юм байна.Олон хэлээр ярьдаг учраас хүмүүстэй ойлголцоод явдаг.Цахилгаан машинаар байгальд ээлтэй аялал хийж болно гэдгийг хүмүүст харуулахыг зорьсон гэв. Дараагийн аялалдаа гарахаар яарч буй түүндхэдэн асуулт тавьж амжлаа.
-Машинаа цэнэглэхэд бэрхшээл учирч байна уу?
-Цахилгаанаар цэнэглэдэг машиныг хурдан цэнэглэх станцууд байдаг. Ийм цэгүүдэд 30 минутаас нэг цаг цэнэглэдэг. Нэг удаа цэнэглээд 300 км газар явдаг. Бүрэн цэнэглэхийн тулд 12-15 цаг цэнэглэх шаардлагатай. Цахилгаанмашин цэнэглэх газрыг хүмүүсээс асуудаг. Улаанбаатарт өнгөрсөн шөнө орж ирэхэд 20 км явах цэнэг үлдсэн байлаа. ШТС-д очоод хүмүүсээс асуусан. Аз болоход шатахуун түгээх станцад цахилгаанаар цэнэглэх боломжтой байсан. Нэг цаг цэнэглээд зочид буудал хүрээд, зочид буудалдаа үргэлжлүүлэн цэнэглэсэн. Өнөөдөр би Хятадыг чиглээд 600 км явахаар төлөвлөсөн. Хоёр хоногийн дараа хил дээр очих байх гэж бодож байна. Монголд цахилгаанаар машинаа цэнэглэхэд надаас төлбөр аваагүй гэдгийг хэлье. Ер нь 10 000 км газарт ямар ч мөнгө төлөхгүйгээр машинаа цэнэглээд явсан.
-Цахилгаанмашин хүйтэнд хэр тэсэх бол. Та туйл судлаач гэсэн. Хэзээ нэг цагт цахилгаан машинаар хойд туйлд аялах талаар бодож үзсэн үү?
– Надад тийм төлөвлөгөө бий. Би өвөл хамгийн хүйтэн газраар урт аялал хийхээр бодож байгаа. Ирэх оны хоёрдугаар сардВладивостокоосСанкт Петербург хүртэл аялах санаатай байна. Хоёрдугаар сард энэ нутагт -40 хэм хүрч хүйтэрдэг. Ийм аялал хийх боломжтой.
-Өөрийнхөө тухай танилцуулаач?
-Би уг нь философич мэргэжилтэй хүн. Бараг мянгаад аялал хийсэн. Олон ном бичсэн. Маш олонтехник, технологийн болон байгаль орчинд ээлтэй хандах төсөлтэй хамтарч ажилладаг.
-Анхны аялалаа хэзээ хийж байв?
-14 настай байхдаа нэг аялал хийсэн. Анх Польшоос Дани руу ганцаараа аяласан. 15 насандаа Африк руу мөн ганцаараа аяласан. Хамгийн гол нь хойд, өмнөд туйлд явган аяласан анхны аялагч. Энэ аялалдаа гар, хөлгүй залууг дагуулж явсан. Тэр хөгжлийн бэрхшээлтэй чтуйлд очсон анхны аялагч болсон.
-Цахилгаан машинаар аялахад цахилгаангүй болчих вий гэсэн айдас байдаг уу?
-Тэгэлгүй яахав айдас байдаг. Энэ нь жаахан дарамт болдог. Тийм учраас бүхнийг нарийн сайтар төлөвлөх ёстой болдог.
-Яагаад ганцаараа аялаж байгаа вэ?
-Хоёр хүн болохоор жин нь нэмэгдээд, хурд саардаг учраас ганцаараа аялаж байгаа.
-Таны гэр бүлийнхэн таны аялалыг яаж хүлээж авдаг вэ?
-Гэр бүлийнхэн маань байнга аялахадзаримдаа тийм ч дуртай биш. Хүүхдүүд маань намайг Солонгос хүрэхэд онгоцоор очно. Түүнээс цаашаа Япон хүртэл хамт явах юм.
-Монголын замд аялахад бэрхшээлтэй юм нь юу байв?
-Монголын замын хамгийн том асуудал нь нүх. Нүхнээс бусдад нь сэтгэл хангалуун байгаа.
