Франц Улсын Канн хотноо олон улсын кино
наадам энэ сарын 12-нд эхэлсэн билээ. 69 дэх удаагаа болж буй тус
наадамд манай улсын кино уран бүтээлчид анх удаа оролцож байна.
Тодруулбал “Маш нууц”, “Содура”,
“Үргээлэг-2”, “Элэг нэгтэн”, “Lovers”, “Босуул” гэсэн бүтээлүүд дээрх
наадмын маркетэд багтжээ. Тэдгээрээс “Үргээлэг2” кино Каннын дэлгэцэнд
гарахаар хуваарьт орсон гэнэ. Түүнчлэн кинонуудын мэдээллийг агуулсан
“Pocket Guide” сэтгүүлд “Үргээлэг 2”, “Lovers” киноны танилцуулга
нийтлэгджээ. Сонирхуулахад тус ном нь жил бүр 10 мянган ширхэг
хэвлэгддэг аж.
Энэ жилийн наадамд Бразил, Иран, Өмнөд Солонгос зэрэг 28 орны 49 кино бүтээл өрсөлдөж буй агаад энэ сарын 22-нд өндөрлөнө.