Playtime амьд хөгжмийн наадмаас хамгийн өвөрмөц бөгөөд загварлаг street дүр төрхүүдийг хүргэж байна.
Монголын амьд хөгжмийн ертөнц дахь чухал арга хэмжээ болох Playtime 2017 фестиваль болж өндөрллөө. Амьд хөгжим, загварлаг хувцаслалт, дулаан уур амьсгал, бүтээлч хүмүүсээр дүүрэн байдаг энэхүү наадмын эхний өдөр Escape, Vatame, Mohanik ба Lemons хамтлагууд уран бүтээлээ хүргэж, Henza, Grooby болон бусад DJ нар электро, техно хөгжмөөр үзэгчдийг доргиосон аж.
Жил ирэх тусам загварын салбартай салшгүй холбоотой болж байгаа Playtime фестиваль дотоодын street хувцаслалтын хөгжилд багагүй хувь нэмэр оруулдаг. Тэр тусмаа энэ жилийн наадам дээр олон залуус монгол дизайнеруудын загвараар гоёсон байна. Тэд сүүлийн үеийн чиг хандлагыг баримтлахын зэрэгцээ үндэсний хэв маягаа хадгалан үлдэж, амьд хөгжмийн уур амьсгалтай төгс ууссан юм. Ингээд тод өнгө, кимоно эсгүүр, спорт хэв маяг давамгайлсан шилдэг төрхүүдийг үзүүлж байна.
