Францын “Эн Ар Жи” сэтгүүлийн сэтгүүлч Звика Клайн еврейчүүдийн өмсдөг киппа малгайг толгой дээрээ тавин Парис хотын төвөөр 10 цаг орчим алхаж хүмүүс түүнийг хэрхэн хүлээж авч байгааг танджээ. Үр дүн нь түүнд айдас төрүүлсэн байна.
Парис хотын төвөөр алхаж явахад хүмүүс түүнийг элдвээр харааж, зарим нь бүр араас нь дагаж, мөрдөж явсан гэнэ. Сэтгүүлч залууг хаана ч явсан түүнтэй таагүй хандах хүн нэмэгдэж түүнд болгоомжлох сэтгэл төрж байжээ. Франц улсад өдөр бүр хоёр еврей үндэстэн өөрийн шашин шүтлэгээсээ болж ямар нэгэн хэлбэрээр хүчирхийлэлд өртдөг байна.
Өнгөрсөн 2014 онд л гэхэд тус улсад 851 еврей үндэстэнг ялгаварлан гадуурхсан хэрэг гарч бүртгэгдэж байжээ. Хэдийгээр Францын Засгийн газраас еврейчүүдийг ялгаварлан гадуурхахаас сэргийлэх зорилгоор тодорхой алхамуудыг авч байгаа ч тэдний эрх зөрчигдсөн хэвээр байгаа юм.