Ерөнхий Ассамблейн ээлжит чуулганаар АНУ-ын Ерөнхийлөгчийн бүх төлөөлөгчдөд зориулсан тусгай арга хэмжээ, АНУ-ын Азийн нийгэмлэг дээрх хэлэлцүүлэг, БНСУ-ын Гадаад хэргийн сайд Кан Кюн-Хва, Парагвайн Гадаад хэргийн сайд Антонио Паласиос, Мянганы сорилтын сангийн Дэд Ерөнхийлөгч Э.Уэлчер, НҮБ-ын АНДЭЗНК-ын Гүйцэтгэх НБД А.Алисжабана нартай уулзаж төрөл бүрийн ажил хөтөлбөрүүдийн талаар ярилаа. Парагвайтай иргэд харилцан визгүй зорчих гэрээнд гарын үсэг зурав.
Мөн НҮБ-ын Аюулгүйн зөвлөл дээр Гадаад харилцааны сайд Д.Цогтбаатар үг хэлэв. тэрээр терроризм, хил дамнасан гэмт хэрэг, түүн дотроо хар тамхины наймаатай шийдвэртэй тэмцэх шаардлагатай байгаа тухай ярьж, жижиг дунд улс орнуудын иргэдийг хориотой бодисын тээвэрлэлт, түгээлт зэрэг үйл ажиллагаанд татан оролцуулж буй явдлаас урьдчилан сэргийлж, ангижрах чиглэлээр ажиллахад эн тэргүүнд анхаарч, хамтрахыг хүсчээ. Манай улсын зүгээс хар тамхи, сэтгэцэд нөлөөт бодисын эсрэг явуулж буй тэмцлийг дэмжих асуудлыг НҮБ-ын АЗ-ийн түвшинд гаргаж тавьсан юм.
