Categories
онцлох-нийтлэл туслах-ангилал

Хүүхдийн баяраар хаана, юу үзэх вэ?

Нийслэлийн Засаг даргын тамгын газар 


06 дугаар сарын 01-нд 1100-1600 цагийн хооронд “ХҮҮХДИЙН
БАЯР” арга хэмжээ Чингис хааны нэрэмжит талбайд зохион байгуулна.
 
Үндэсний дуу бүжгийн эрдмийн чуулга
06 дугаар сарын 01-нйи өдрийн 1000,1200 цагуудаас
Д.Ганболдын найруулга “Эрх цагаан унага” жүжгийг өөрийн тайзнаа тоглоно.
 
Улсын драмын эрдмийн театр
05 дугаар сарын 31-ний өдрийн 1100,1300 цагуудаас
Андерсаны “Лусын дагина” хүүхдийн жүжиг, 06 дугаар сарын 01-нд 1500,1700
цагуудаас С.Михайловын “Бардам туулай” Хүүхдийн жүжиг , 2000
цагаас Н.Ганхуягын найруулга “Бүүвэй” 3 бүлэгт уянгын драмын жүжиг
өөрийн тайзнаа тоглоно.
АСА Цирк
05 дугаар сарын 25-наас 06 дугаар сарын 02-ныг хүртэл Оросын Одойчуудын циркийн
тоглолт ажлын өдрүүдэд 1500, 1900 цагуудаас, амралтын
өдөр 1200, 1900 цагуудаас
06 дугаар сарын 01-нд 1200, 1500, 1900
цагуудаас тус тус тоглоно.
05 дугаар сарын 31-нд Маскрад шоу 1100 цагаас Ялалтын талбайгаас
хөдлөөд цирк рүү ирнэ.
05 дугаар сарын 31, 06 дугаар сарын 01-ний 1000 цагаас “Ice cream”
фестиваль  АСА Циркийн гадна талбайд болно. /үнэ төлбөргүй/
Нийслэлийн Улаанбаатар  чуулга
05   дугаар сарын 29, 30 ,31-нд Мөрөөдлийн суваг телевизийн “Бонгын
аялал” тоглолт,
06 дугаар сарын 01- нд Тотал мюзик– тоглолт
Монголын Үйлдвэрчний эвлэлүүдийн Соёлын төв ордон
05 дугаар сарын 31-нд 1100,1300 цагуудаас Маск пордакшны
“Мөсөн хатан”,
05 дугаар сарын 31-нд 1600 цагаас “Хөгжилтэй алиалагч”
тоглолт
Улаанбаатар палас
06 дугаар сарын 01-нд Мөрөөдлийн театрын Хүүхдэд зориулсан жүжиг 1200,
1500 цагуудаас тоглоно.
Монголын хүүхдийн ордон
06 дугаар сарын 01-нд Хүүхдийн баярын нээлтийн ажиллагаа гадна талбайдаа
06 дугаар сарын 01-нд “Хүүхдийн ертөнц” гар зургийн уралдаанд ирүүлсэн
бүтээлээр үзэсгэлэн гаргана – А фойед
05 дугаар сарын 31, 06 дугаар сарын 01-нд 1200, 1400
цагуудаас Хүүхдийн баярт зориулсан  урлагийн тоглолт
06 дугаар сарын 01-нд 1200-1500 цагт гадна талбайдаа
Цардмал замын зургийн тэмцээн Гадна талбайд
06 дугаар сарын 01-нд 1100-1400 цагт Шатар, даамны
тэмцээн зохион байгуулна
06 дугаар сарын 01-нд 1200-1500 цагт Эко өдөрлөг зохион
байгуулна
 
Баянзүрх дүүргийн Засаг даргын тамгын газар
05 дугаар сарын 31-нд  1000 цагаас Үндэсний цэцэрлэгт 
хүрээлэнд Хүүхдийн баярын арга хэмжээг зохион байгуулна.
Сүхбаатар дүүргийн Засаг даргын тамгын газар
Чингисийн талбайд нэгдсэн арга хэмжээтэй хамт болон хороодоор хүүхдийн баярын
арга хэмжээ зохион байгуулна.
Баянгол дүүргийн Засаг даргын тамгын газар
06 дугаар сарын 01-нд 1000 цагаас 580 хүний бүрэлдэхүүнтэй баярын
парад Төмөр замчдын дуу бүжгийн чуулгаас Улаанбаатар палас хүртэл
06   угаар сарын 01-нд 1100 цагаас Хүүхдийн баярын арга
хэмжээ
Хан-Уул дүүргийн Засаг даргын тамгын газар
06 дугаар сарын 01-нд 1000 цагт Хүүхдийн баярын нэгдсэн арга хэмжээ
/500 хүүхдэд бэлэг гардуулах үйл ажиллагаа/- Буянт-ухаа спорт цогцолборт болно.
Чингэлтэй дүүргийн Засаг даргын тамгын газар
06 дугаар сарын 01-нд 1100-1700 цагийн хооронд Зорилтот
бүлгийн хүүхдүүдэд зориулсан нэгдсэн арга хэмжээ- Тусгаар тогтнолын талбайд
болно.
Сонгинохайрхан дүүргийн Засаг даргын тамгын газар
06 дугаар сарын 01-нд 1100-1500 цагийн хооронд Хүүхдийн
баярын  арга хэмжээ Хороо тус бүрт нэгэн зэрэг болно.
Үндэсний Соёл амралтын хүрээлэн
06 дугаар сарын 01-нд 1300-1700 цагт Хүүхэд багачуудад
зориулсан урлагийн  тоглолт, 1900-2000 цагт Амьд
хөгжмийн тоглолт, 2000-2100 цагт Залуучуудад зориулсан
хөтөлбөр тус тус Их тайзан дээр, 1400-1800 цагт Үлгэрийн
цаг, гэр бүлийн буухиа тэмцээн, хөгжөөнт тоглоом, хүүхдийн тэмцээн бага тайзан
дээр тус тус зохион байгуулагдана.
Үндэсний цэцэрлэгт хүрээлэн
06 дугаар сарын 01-нд 1000-1300 цагт ТВ-5 телевизийн
хүүхдийн нэвтрүүлэгтэй хамтарсан хүүхдүүдэд зориулсан урлагийн тоглолт, арга
хэмжээ
06 дугаар сарын 01-нд 1200-2000 цагт “Бидний хүслэн-
ногоон хотхон” өдөрлөг зохион байгуулна гэж Нийслэлийн Хэвлэл мэдээлэл, олон
нийттэй харилцах хэлтсээс мэдээллээ. 

 

Categories
мэдээ нийгэм

Халуун усны хязгаарлалт хийх хуваарь

“Улаанбаатар дулааны сүлжээ” компаниас  зуны урсгал болон их засварын ажилтай холбогдуулан халуус ус хязгаарлах хуваарийг гаргасан. Одоо халуун усгүй байгаа орон сууцнуудад 28-29-нд халуун ус ирэх бол  энэ сарын 27-ноос ирэх сарын 10-ны хооронд дараах газруудад халуун ус тасрах юм байна шүү.

-УБТЗ-ын удирдах газар, түүний ойролцоох бүх орон сууц, Гранд плаза төв, Рамада зочид буудал, Цагаан өргөө зочид буудал, Гандан хийд, Максын орон сууц, ТЗ-ын хоёрдугаар хорооллын орон сууцнууд, Наран их дэлгүүрийн орчим, Богда Асар хороолол, Түндэмүн саун, Гурван билэг ХХК-ийн үйлчилгээтэй орон сууц, 3,4 дүгээр хороолол, 6 дугаар бичил хорооллын бүх орон сууц, Ганданхийд, Цагаан өргөө зочид буудал, Эх нялхас, МҮОНРТХЭГ орчмын орон сууц,албан газрууд, “Ган зам” зочид буудал,  ТЗ-ын 50 дугаар байр, Баянгол дүүргийн шүүх, ТЗ-ын цагдаагийн хэлтэс, ЦТП-9-ийн дараах орон сууцны бүх байр, 4 дүгээр хорооллын ЦТП-6-ын дараах орон сууцны бүх байр, АТС-33, Аянчин зочид буудал орчмын хэрэглэгчид.

/ОСНААУГ-ын Ганзам-өргөө ,Ганга өргөө, Батбаян бүрд,  Хүрээ дэнж өргөө, Гандан дэнж өргөө ОНӨААТҮГ-ын харьяа бүх орон сууц /

Categories
арын-нүүр булангууд мэдээ

Гэнэн хонгорууд минь хэзээ хэрсүүжих бол?

Заримдаа ч өөрсдийгөө бодохоор өрөвдмөөр санагдах юм. Монголчууд бид арай ч дээ гэмээр гэнэн итгэмтгий хүмүүс. Аливаад ултай суурьтай, буурьтай хандана гэж байхгүй. Зүгээр л хөнгөн хөвсгөрхөн сэтгэлээр хөөрч дэвэрч явах нь бий.  Түүнийг нь нотлох зүйлс захаасаа аваад л үй түм. Улс орон оршин тогтнохын амин судас нь болсон эцсийн бүтээгдэхүүний үйлдвэрлэл гэхэд өнөөдөр алга. Гангийн үйлдвэр, за тэгээд бензин шатахуун нефть, цахилгаан станц гэж олон жил амаа цангатал ярилаа. Гэвч бүтээсэн юм алга л байна.  
Ер нь бид чинь энэхэн амьдралаа тэнгэрээр нисч нисч цаг нь ирэхээр нам газарддаг шувуу шиг өнгөрүүлээд байна уу даа. Нэг л их “жиргэсэн” хүмүүс.  Одоо бол ухаажвал ухаажихаар цаг юмсан. Шилжилтийн үе гэж дээр дооргүй баахан ярьцгаасан. Тэр нь эрхбиш дуусаа байлгүй.
Шилжилтийн насандаа яваа охид хөвгүүд шигээ гэнэн тэнэг зангаа орхиж, бага  ч болов  хэрсүү суух цаг болсоон. Ингэхэд монголчууд бидний гэнэн хонгорыг илтгэсэн хэд хэдэн үйлдэл байдаг. “Хэрвээ шидтэн ирээд гурван зүйлийг биелүүлж өгье гэвэл та юу хүсэх вэ” гэх утга бүхий асуултыг хэн нэгнээсээ дандаа асууна. Сэтгүүлч нөхөд маань бол байнга асууна. Ийм л сэтгэлгээгээр бидний амьдрал явдаг. Болж бүтэхгүй зүйлийг нь нэг л өдөр дээд тэнгэрээс ид шидийн хүн ирээд цогцлоогоод өгөх юм шиг хэнэггүйхэн аж төрдөг. Яг үнэндээ байдал тэс өөр. Хүн төрөлхтний оршихуй ерөөсөө бодит зүйл дээр тулгуурладаг. Амьдралаа та өөрөө л босгоно. Өөр хэн ч биш.

Н.Гантулга

Categories
мэдээ спорт

Хакухо М.Даваажаргал 29 дэх түрүүгээ авлаа

Японы мэргэжлийн сумогийн тавдугаар сарын Нацу башё өчигдөр өндөрлөлөө. Уг башёг мэргэжлийн сумогийн их аварга хакухо М.Даваажаргал 14 даваа, нэг унаатайгаар тэргүүлсэн байна. Барилдааны сүүлийн өдөр их аварга Хакухо М.Даваажаргал Харүмафүжиг уватэнагэ мэхээр ялсан юм. Одоо тэрээр нэмж гуравхан түрүү авахад бүх цагийн үеийн дээд амжилтын эзэн Тайхо их аваргатай зэрэгцэж ирнэ. Тэмцээний сүүлийн өдрийн бас нэг сонирхолтой барилдаан какурюү М.Ананд болон озэки Кисэносато нарын хооронд болж Монголын 71 дэхь аварга Кисэносатогийн цукидаши мэхэнд дийлдэн уналаа. Какерюү Анандын тухайд тэрээр нацу башёг есөн даваа, зургаан унаатай дуусгаж байна. Харин ёкозуна цолны төлөө барилдаж буй Кисэносато 13 даваа, хоёр унаатай байгаа. Тэмцээний дараа М.Даваажаргал ярилцлага өгөхдөө “Аавын минь бие жаахан тааруу байсан учраас сүүлийн үед Японд ирж сумо үзэж чадахгүй байсан. Харин энэ удаа аав маань ирж, аавынхаа өмнө түрүүлсэндээ баяртай байна. Энэ жилийн Нацу башёд гурван их аварга барилдсан. Барилдааны турш их ч ядарлаа. Дараагийн башёд залуу бөхчүүдээ манлайлан барилдахын тулд улам их хичээнэ” гэжээ.
Манай бусад бөхчүүдийн хувьд Кёкүтэнхо 3:12, Тамаваши 8:7, Терюнофүжи 9:3, Токитенкү 7:8, Таканойва 3:12, Кёкүшүхо 9:6, Сококурай 8:7, Араваши 7:8 даваатайгаар нацу башёг дуусгалаа.

С.АЛТАН

Categories
мэдээ нийгэм

Хулгайлагдсан бурхдыг олжээ


Эрдэнэзуу хийдийн “Хархорум” музейд хулгай орж, 80 орчим сая төгрөгөөр үнэлэгдэх долоон бурхан алдагдаад байсан. Тус аймгийн цагдаагийн газрынхан хэргийг илрүүлж, алдагдсан бурхдыг олжээ.
Хэргийн талаар аймгийн Цагдаагийн газар, Мөрдөн байцаах албадаас тодруулахад “Алдагдсан бурхад олдсон. Хэрэг мөрдөн байцаах шатандаа явж байгаа тул мэдээлэл өгөх боломжгүй”  гэв.

Categories
мэдээ нийгэм

Ирэх долоо хоногт дулаахан байна

Маргааш баруун болон төвийн бүсийн зарим газраар хур бороо орно. Харин зүүн бүсийн аймгууд болон говийн нутгаар хур тунадас орохгүй. Улаанбаатарт 18-20 градус дулаантай.
Цаг агаарын урьдчилсан төлөвөөр ирэх  долоо хоногт ихэнх нутгаар цаг агаар дулаан байх аж.  27, 30-нд нутгийн хойд хэсгээр, 28, 29-нд баруун болон төвийн нутгийн зарим газраар, зүүн зүгийн нутгийн хойд хэсгээр бороо орно. Салхи ихэнх хугацаанд зарим газраар түр зуур секундэд 16-18 метр хүрч ширүүсэх янзтай. Хангай, Хөвсгөлийн уулархаг нутгаар шөнөдөө 1-6 градус, өдөртөө 13-18 градус, говийн бүс нутгаар шөнөдөө 11-16 градус, өдөртөө 28-33 градус хүрч дулаарна. Харин бусад нутгаар шөнөдөө 6-11 градус, өдөртөө 20-25 градус дулаан байна. Долоо хоногийн сүүлээр нутгийн хойд хэсгээр сэрүүснэ.

Э.Эрдэнэ

Categories
гадаад мэдээ

Леонардо де Каприотой цуг сансарт нисэх эрхийг худалдав

Холливудын алдарт жүжигчин Леонардо де Каприотой цуг сансарт нисэх эрхийг дуудлагаар худалдсан байна. Канн хотын ойролцоо орших  “Hotel du Cap-Eden-Roc” зочид буудалд болсон дуудлага худалдаагаар энэ эрхийг 700 мянган евро бу­юу нэг сая ам.доллараар худалджээ. Холливудын нэрт жүжигчин уг арга хэмжээнд өөрийн биеэр оролцсон байна. “Hotel du Cap-Eden-Roc” зочид буудалд дуудлага худалдааг зохион байгуулагчид нийт 38 сая ам.долларын орлого олсон бөгөөд энэ мөнгийг ХДХВ-ийн вирусийг судлах үйлсэд хандивлах юм.  

Categories
гадаад мэдээ

Дэлхийн хамгийн үнэтэй салалт

Дэлхийд цуутай эрхмүүд эхнэрээсээ салахдаа дуулиан дэгдээж,  шүүхээр заргалддаг түүхийг Оросын тэрбумтан Д.Рыболовлевыг ч тойрсонгүй. Тансаг зэрэглэлийн орд харшуудаас гадна Грект хоёр ч арал эзэмшдэг түүний хувьд  хамгийн үнэтэй салалт боллоо. Учир нь Женев хотын шүүхээс гэргийд нь  хөрөнгийнх нь тал хувийг өгөх шийдвэр гаргажээ. Д.Рыболовлев “Уралкалия, “Сильвинит” компаниудын хувьцааг эзэмшдэг. “Форбес” сэтгүүлд бичсэнээр  8.8 тэрбум ам.доллартай тэнцэх хөрөнгөтэй. Тэрээр Елена хэмээх бүсгүйтэй 24 жил  хамтран амьдарсан боловч албан ёсоор  батлуулаагүй аж. Швейцарийн хуулиар  хамт амьдарч байх хугацаандаа олсон  хөрөнгийг тэнцүү хуваах ёстой юм. Ийнхүү зургаан жил заргалдсаны эцэст Елена тэрбумтан нөхрийнхөө  хөрөнгийн талыг, мөн  13 настай охиноо авахаар болжээ.
Харин Дмитрийн ууган охин дэлхийн хамгийн үнэтэй харшид амьдардаг гэдэг жагсаалтын хорьдугаарт бичигдсэн байдаг аж.
1995 онд Рыболовлёв нь эхнэр хүүхдийнхээ хамт Швейцарьт суурьшсан юм байна. Тэднийг салах болсонтой холбогдуулан Швейцарь, АНУ, Сингапур, Кипр, Виржиний арлууд дахь бүх үл хөдлөх хөрөнгийг нь битүүмжилжээ. Оросын тэрбумтан  Д.Трампаас худалдан авсан харштайгаас гадна “Му Аnna” нэртэй дарвуулт онгоц, “Airbus A319”, “Dassault Falcon” онгоц зэргийг эзэмшдэг. Мөн Пикассо, Ван Гог нарын  бүтээлүүд  байдгаас гадна  Киприйн банк, “Монако” хөлбөмбөгийн клубийн хувьцааг эзэмшигч юм. Д.Рыболовлев нь 2012 онд  эхнэртэйгээ найрсгаар салахаар тохиролцжээ. Гэвч Д.Рыболовлев  эцсийн мөчид гэрээнд гарын үсэг зурахаас татгалзсан байна.
Өнгөрсөн хоёрдугаар сард Елена Рыболовлеваг нөхрийнхөө сангаас 25 сая ам.долларын үнэтэй бөгж хулгайлсан гэх хэргээр саатуулсан байна. Гэвч Дмитрийн бөгжийг эзэмших эрхтэй гэх баримт нотолгоо гаргасны дагуу суллаж байжээ.  

Categories
гадаад мэдээ

Ромын пап Ойрхи Дорнодын орнуудаар айлчилж байна

Католик шашны тэргүүн, Ромын пап Францискийн Ойрхи Дорнодын орнуудаар хийх айчлал эхэллээ. Тэрээр өчигдөр Иорданид хүрэлцэн очсон бөгөөд тус улсын хаан Абдалла II түүнийг хүлээн авч уулзсан байна. Үүний дараа Иордани дахь Сирийн дүрвэгсэдтэй уулзасан байна. Ромын пап мөн Израиль, Палестинд айлчлах юм. Энэ айлчлалын хамгийн гол зорилго шашин хоорондын харилцаа холбоог сайжруулах явдал аж.

Ю.Дэлгэр

Categories
гадаад мэдээ

Сомалигийн парламентын байрны хажууханд дэлбэрэлт болжээ

Сомалигийн нийслэл Могадишо хот дахь парламентын байрны ойролцоо дэлбэрэлт болсоны улмаас ойролцоогоор 10 хүн амь үрэгдсэн байна. “Аш-Шабаб” хэмээн лалын бүлэгийнхэн уг алан хядах ажиллагааг зохион байгуулсан байна. Үд дунд парламентын байрны өмнө байсан машин дэлбэрч дараа нь буудалцаан болжээ. Хууль сахиулах байгууллагын ажилтнуудын ярьснаар машин дотор нь тэсрэх бөмбөг тавьсан гэнэ. Дэлбэрэлтийн улмаас парламентын хоёр гишүүн шархадсан байна. Харин байшин дотор байсан гишүүдийг яаралтай гаргаж аюулгүй газар аваачжээ.   

Ю.ДЭЛГЭР