Японы мэргэжлийн сүмогийн Аки
башё 15 өдрийн турш хурц ширүүн, өрсөлдөөн дүүрэн байж озеки Гойэдо 15
даваатайгаар өндөрлүүлж Эзэн хааны цомыг хүртсэн билээ. Тэрбээр Аки
башёд озеки цолоо хамгаалан барилдсан ч Хакүхо аваргын эзгүйд одтой, хүчтэй
байж Осака нутгийнхан 85 жилийн дараа мэргэжлийн сүмод нутгийн бөхөө
түрүүлэхийг харсан юм.
Тэгвэл Япон сүмо бөхийн холбооноос түүнийг арваннэгдүгээр сарын Фүкүока
башёд 13 болон түүнээс дээш давсан тохиолдолд Ёкозүна цол олгоно хэмээн
мэдэгджээ. Мөн түүний озеки цолоо хамгаалсан зэргийг харгалзан үзэхгүй хэмээсэн
байна. Озеки Гойёдо тогтвортой барилддаг бөх биш бөгөөд 4 ч удаа кадобан болж
озеки цолоо алдах дээрээ тулсан удаатай. Их аварга Хакүхо Фүкүока башёд
барилдана, мөн хоёр монгол аварга, гурван озеки цолтой бөхчүүд дундаас Гойёдог
Ёкозүна цол авч чадах уу гэдгийг харах сонирхолтой башёг бид харах болно.