Их, дээд сургууль, коллежийн оюутнуудын улирлын амралт эхэлсэнтэй холбоотойгоор нийтийн тээврээр үнэ төлбөргүй зорчих смарт картны хэрэглээг хязгаарлажээ. Хязгаарлалт энэ сарын нэгний өдөр эхэлсэн бөгөөд хоёрдугаар сарын нэгнийг хүртэлх хугацаанд үргэлжлэх аж.
“Улаанбаатар смарт карт” ХХК-иас энэхүү шийдвэрийнхээ хүрээнд бүх их дээд сургууль коллежид албан бичиг хүргүүлсэн байна. Тиймээс оюутнууд нэг сарын хугацаанд нийтийн тээврээр үйлчлүүлэхдээ энгийн цахим картаар 500 төгрөгөөр үйлчлүүлнэ.