Нийтийн тээврийн шинэчлэлийн хүрээнд хийгдэж буй цахим картыг эсэргүүцсэн оюутнууд өлсгөлөн зарлахаар боллоо. Монголын оюутны холбоо энэ тухай мэдээллээ өнөөдөр 12.30 цагт Монгол ньюс мэдээллийн төвд хийнэ.
Нийтийн тээврээр хөнгөлттэй зорчих карт зарим оюутнуудад одоо болтол очоогүй байгаа. Оршин суугаа газрын тодорхойлолт шаардаж, өдөрт хоёр удаа үнэгүй явах гэх мэт зохицуулалтыг оюутны байгууллагаас эсэргүүцэж байр сууриа илэрхийлээд байсан. Тэгвэл тэд дараагийн арга хэмжээгээ авч, өлсгөлөн зарлахаар боллоо.