Дэлхийн оюутны 2018 оны аварга шалгаруулах тэмцээнд залуучуудын дэлхийн аваргын хүрэл медальт Н.Насанбуян тэргүүтэй 12 бөх хүчээ сорин барилдах эрхтэй болжээ.
Долоо хоногийн өмнө чөлөөт бөхийн 2018 оны оюутны УАШТ-д 200 тамирчин өрсөлдөж алт, мөнгө, хүрэл медалийн эзэд тодорсон билээ. Тус тэмцээнд түрүүлсэн тамирчид ирэх есдүгээр сарын 4-9-нд Бразилийн Гояна хотод болох оюутны дэлхийн аваргад өрсөлдөх эрхийг авсан байна.
Тухайлбал, эрэгтэйчүүдийн 57 кг-д Н.Насанбуян, 65 кг-д Г.Ханбүргэд, 74 кг-д З.Сумъяабазар, 86 кг-д Г.Ганхуяг, 97 кг-д Ч.Алтангэрэл, 125 кг-д Д.Эрдэнэтулга, эмэгтэйчүүдийн 50 кг-д Б.Чимгээ, 53 кг-д С.Энхтунгалаг, 57 кг-д Б.Болортуяа, 62 кг-д Д.Түмэнхүслэн, 68 кг-д Э.Дэлгэрмаа, 76 кг-д П.Номин-Эрдэнэ нар хүч үзэхээр болжээ.