Монголын Уулчдын үндэсний холбооны баг тамирчид БНСУ-ын Чонгсон хотноо зохион байгуулж буй дэлхийн цомын тэмцээнд амжилттай оролцож байна. Тэгвэл уг тэмцээнд оролцож буй ОУХМ Н.Хэрлэн Ази тивийн аварга шалгаруулах тэмцээнээс алтан медаль хүртлээ.
Энэ оны Чонгсоны дэлхийн цомын тэмцээнийг 10 дахь жилдээ зохиож байгаа бөгөөд Монгол Улсаа төлөөлөн Сутайн бор клубын тамирчин ОУХМ Н.Хэрлэн, мөн клубын тамирчин спортын дэд мастер Б.Ариунбаяр, “Монголиан экспедишн” клубын тамирчин, спортын дэд мастер Д.Отгонхүү, “Хайрхан аялагч клуб”-ын тамирчин спортын мастер Д.Баасандорж, “Улаанбаатар аялагч клуб”-ын тамирчин спортын мастер Ч.Мандахбаяр нар уг цуврал тэмцээнд оролцож байна.