Олон улсын оюутны спортын өдөр өчигдөр тохиолоо. Монголын оюутны спортын холбооны хувьд эл өдрийг эх орондоо болж буй оюутны Ази тивийн аварга шалгаруулах сагсан бөмбөгийн VI тэмцээний оролцогчидтой, өнөр өтгөн тэмдэглэжээ. Тус тэмцээнд долоон орны 100 гаруй тамирчин оролцож байгаа. ЮНЕСКО-гийн шийдвэрээр олон улсад анх удаагаа тэмдэглэж буй Оюутны спортын өдөр Ази тивийн аварга шалгаруулах оюутан тамирчдын тэмцээний талбайд БНХАУ-БНСУ, Макао-Казахстан, Монгол-Тайваны багуудын тоглолтууд болсон юм. Нийт тамирчид тэмдэглэлт өдрийг тохиолдуулан ОУОСХ-ны сүлд дууллыг эгшиглүүлж, баярын бялуу хуваажээ.